ការធ្វើនីត្យានុកូលកម្មលើវិញ្ញាបនបត្របញ្ជាក់ការសិក្សាថ្នាក់ទី១២

គោលបំណង៖

បញ្ជាក់ភាពត្រឹមត្រូវលើឯកសារថតចម្លង

ស្តង់ដារសេវា៖

ការធ្វើនីត្យានុកូលកម្មលើវិញ្ញាបនបត្របញ្ជាក់ការសិក្សាថ្នាក់ទី១២
–    តម្លៃអតិបរមា៖ ១ ០០០ រៀល ក្នុង ១សន្លឹក និងតម្លៃអនុគ្រោះ៖ ៥០០រៀល ក្នុង ១សន្លឹក
–    រយៈពេលអតិបរមា៖ ០៣ថ្ងៃ (ថ្ងៃធ្វើការ)
–    សុពលភាព៖ អចិន្ត្រៃយ៍

តម្រូវការឯកសារ ដើម្បីទទួលបានសេវា៖

ដើម្បីធ្វើនីត្យានុកូលកម្មលើវិញ្ញាបនបត្របញ្ជាក់ការសិក្សាថ្នាក់ទី១២ អ្នកប្រើប្រាស់សេវាត្រូវយកភ្ជាប់មកជាមួយនូវវិញ្ញាបនបត្របញ្ជាក់ការសិក្សាថ្នាក់ទី១២ច្បាប់ដើម និងច្បាប់ចម្លង។

នីតិវិធីនៃការផ្ដល់សេវា៖

នីតិវិធីនៃការធ្វើនីត្យានុកូលកម្មលើវិញ្ញាបនបត្របញ្ជាក់ការសិក្សាថ្នាក់ទី១២ មានចំនួន ១២ដំណាក់កាល ដូចខាងក្រោម៖

១. អតិថិជនដាក់ពាក្យស្នើសុំសេវានៅមន្ត្រីផ្តល់ទទួលព័ត៌មានដែលនៅផ្នែកជួរមុខ
២. អតិថិជនទទួលបង្កាន់ដៃទទួលពាក្យពីមន្ត្រីផ្តល់ព័ត៌មាន
៣. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅបេឡាករ
៤. អតិថិជនអញ្ជើញទៅបងប្រាក់ថ្លៃសេវានៅបេឡាករ
៥. អតិថិជនទទួលបង្កាន់ដៃបង់ប្រាក់ថ្លៃសេវា
៦. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅប្រធានការិយាល័យ
៧. ប្រធានការិយាល័យដាក់របាយការណ៍ជូនអភិបាលរងដើម្បីពិនិត្យបន្ត
៨. បន្តដាក់របាយការណ៍ជូនអភិបាលដើម្បីពិនិត្យនិងសំរេចចុងក្រោយ
៩. មន្ត្រីរដ្ឋបាលស្រុកធ្វើការចុះលេខ
១០. បញ្ជូនឯកសារទៅប្រធានការិយាល័យបន្ទាប់ពីចុះលេខរួច
១១. បញ្ជូនឯកសារបន្តទៅមន្ត្រីផ្តល់ទទួលព័ត៌មានដែលនៅផ្នែកជួរមុខ
១២. ផ្តល់ឯកសារណដែលជាលទ្ធផលជូនអតិថិជន។